بقلم الإعلامية د / صافي يونس
اكره ان يتصور أحد انه(ربنا) ، كلنا بشر ولنا أخطاء يعلمها عز وجل ، ما ظهر منها وما بطن ، ومقالي مش منبر ازهر ولا انا بجناحين وبرفرف كل يوم الفجر ده خبل ولست مؤهلة للحكم علي الاخرين .
مهما كانت دراستي وثقافتي واعتراضي محبه وليس مرض
ونصيحتي قبل شرح رؤيتي ياريت ((تحاسبوا آنفسكم))
قبل ما تنصبوا المشانق ل( رانيا يوسف او غيرها ) وعلي فكرة انا ضد فكرة بيان اعتذراها التي اجبرت عليه عنوه ورضوخا لضغوط المقربين والنقابه والله اعلم .
وبالمناسبة رانيا ممثلة مصرية، نعم لكنها لا تمثل الا نفسها وذوقها ومهنتها (( بالخارج لو طبقنا ذلك لكان الشواذ اسقطوا انبهار المتشددين والاخوان باردوغان او رعبوا البشر من دول
كبري مثلا لانتشار الرذيله والامراض ولم تصبح الهجرة مطمع ومسعي كل الناس ويذهبون بقناعة للعيش بينهم !! ))
رانيا لم تؤذي احد بفستانها ، قد يكون مثير للدهشه لجرأته الزائدة وفكرته الغريبه علي عادتنا وتقاليدنا ( اللي بالمناسبة بنفتكرها ساعات ساعات وعند اللزوم برضه لحاجات وحاجات )
الفستان به سوء اختيار خاصة لا شك في ذلك وهي تعلم بتربص الكاميرات والعالم الفاضيه اللي حلوا مشاكلهم
وساندوا بلدهم ولم يبقي هناك الا فستان الختام والافتتاح !
لكن رانيا يوسف وحدها مسؤلة عن اختيارها السيء ، ممكن انتقده بادب اعترض باحترام لان قلمي وصفحتي بيعبروا عني وكل اناء ينضح بم فيه .
لكن ! ( لا يجوز لي كتابة صفات مثل عاهرة وفاجرة
وكافرة واخلط الاوراق في بعض) !
واخبط ومصر الاسلامية والنقاب ومعرفش ايه، شوية منطق يا مدعين التدين والثقافة والحريه ايضا كلكم علي باطل
هي في مهرجان عام مش في فرح بنت اختك ولا بتمثل مصر علي بساط كان ولا بوليود ولا جايه تزور الحاجه
والدتك .
فمحدش سلمكم توكيل للكلام باسم الشعب والدين واللي
هيدخل يعلق بكومنت وعارفك وهيقول الله ده متدين وجميل ميعرفش غير ظاهرك وما تكتبه .
وقد يكون غير ملم بتفاصيل حياتك اصلا( بالفعل هناك ثوابت لكن من انا او انت حتي ننعت الناس باي صفه تنافي
الشرع او تهمه فيها تعريض وتجريح ) .
عبر عن رايك بحدود وبلا تجاوز فيها ، للاسف لم اكن احب
الخوض في مثل هذا الهراء بكل توجهاته سلبا وايجابا لكن
استفزني ناس كتير جدا غير منزهين عن الخطأ وأعرف عنهم ذلك بثقه وهات يا فتي وهري وحاجه تقرف اكتر من الفستان .
ملحوظه مهمه للمتربصين بقي/
(١) عن رأيي الفستان : مش لطيف ، معجبنيش لا الافتتاح
ولا الختام ، ال٢ فيهم سوء اختيار ، الاول تحسه مالوش شخصية تميزها (كانهاساحره في فيلم هاري بوتر) ، والتاني
(كان ممكن يكون مميز بقليل من التوازن لاخفاء مفاتن جسدها بشكل يليق بنجمه لها جمهور كبير دون ابراز مفاتن واثارة للمتلككين ومرضي الشره الجنسي والنقص النفسي ).
يعني كانت تقدر تكون اكثر توفيقا لو الكاش الاساسي علي شكل فستان قصير مثلا ، عن نفسي مقدرش البس ذلك طبعا فده مش(دفاع) ، ده شرح لوجهة نظري لان شغلي وحياتي وظروفي تختلف وانا مش من محبي الملابس الملفته بزيادة بطبيعة شخصيتي فقط .
اما هي فظروفها وشغلها والحدث يختلفون فلديها رؤيتها
ومبرراتها وان اختلفنا فبادب وليس بعنجهية مدعي فضيلة
وهي حرة لم تؤذي احد ولم ترفع علم دولتها مثلما فعلت اخريات لىافهم سر وجودهم ولا دعوتهم اصلا .
علي فكره بدون اي افورة والقاب وصفات ستعاقبون عليه جميعا ، فحصاد لسان كل واحد وعينه وحده بيتحاسب
عليهم من ربه .
(٢) انا لا اتدخل اذا بنت عندي في الشغل لبست حجاب او قلعت حجاب او ارتدت نقاب او لبست مايوه ( دوري انصح
بالحسني لان ربنا قال للنبي عليه الصلاه والسلام في وصفه لنبي الرحمه واسلوب النصيحه وتوجيهه للعباد المعروف عنادهم ( لو كنت فظا غليظ القلب لانفضوا من حولك ).
لهذا قد اخوض حوار لطيف بالحجه وباللين لشرح وجهه نظري مع او ضد .. وباحترام ولا افرضها ابدا وابتسامه دون
تعصب او ادعاء وان كنت ارفض شكل النقاب فهو يشعرني بالتوتر وعدم الامان خاصة مع سوء استعماله..
ومش معني ده علشان العالم المريضه شكل العري والمايوهات واي حاجه غير مالوفه لا تستهويني ولا اقبلها هي طبيعة شخصية ،
(٣) معلش العالم اللي جمعت بين المشهدين مافيش اي رابط
وبلاش التطرف والتجني ده فهو غير مفيد الا للناس الفاضيه
ومدعية الفضيلة فمثاااااااااااااال واحد يخرسكم
( الناس اللي بتسيء لجيرانها..واللي مقاطعه رحمها علشان ميراث مثلا واللي بتقبل هدايا الرشوة وتبررها ، واللي بتشتهي النميمه والايذاء وغيرها من الموبيقات والكبائر
المؤذية للاخرين والمكروهه كالعري بالظبط لا نلتفت لها
ونتعايش معاهم عادي لا وكمان ممكن نتجنب زعلهم وغضبهم ولسانهم بنفاقهم او السكوت والتبرير او التطبيل لهم وتاكدوا محدش شايف نفسه غلطان اصلا كلنا فوق الغلط وبنقاوح وبس).
ربنا يهديكم ويعافيكم ويحسن ختامكم …تذكروا فقط
ان(( كلكم عيوبو للناس أعين)) كما قال الامام انس بن مالك .
( مهـرجـان الأوسكــار )
( مهـرجـان كـــان )
( حفــلات عـربيـه )
