كتبت شيماء سلامه
في خبر لا يليق إلا بمصر، حيث الطريق الإقليمي بيشتغل شيفت إضافي لحصد الأرواح، اصطدمت
عربية نقل بعربية راكبة فيها شوية بنات غلابة رايحين على أمل يومية آخر الشهر تساعدهم في المعيشة.
القدر والظروف اتفقوا الصبح بدري وقالوا: “يلا نشتغل
مع بعض”.. فالبنات اللي نزلوا بدري عشان يشتغلوا،
رجعوا في أكياس سوداء وسط دموع أهاليهم اللي كانوا مستنيينهم يرجعوا بالغدا.
الغريب إن الطريق الإقليمي مش أول مرة يعملها،
وبيطلع منها سالم كل مرة، وكأنه عنده حصانة من
المسائلة، والقدر كمان بيقف يتفرج ويقول: “هو أنا
لوحدي؟”.
الرحمة للبنات، والصبر لقلوب الأهل اللي مش ناقصة،
ولسه الطريق الإقليمي مستمر في هوايته المفضلة.. والمواطن يدفع الثمن
