بقلم- د. صافي يونس
(2)
لا ده الصعيد😡
ولا دي السيدة زينب
ولا دي قري مصر وحواريها
ورجالتها وجدعنتها
وقضاياها🤔
ولا حتي ده تاريخها بجد
ولا حاضرها الواقعي
ولا حيرتها
تختار اي كومباوند 👎
ولا تتبرع وتشحت
لاي مستشفي😪
بس جايز جدا
تكون دي دمياط وعزبة البرج😔
ليه لأ ( إبرة ابداع حقيقية وسط
كومة قش عشوائية محبطه للفاهمين)
ولا دي خفة ظل ولا كوميديا
منتهي الهزل والاستخفاف والاهانه
ولا ده اعلام له دور
يحترم بيوتنا ورموزنا
ولا يضيف لمعلوماتنا
منتهي الخجل حينما
يتحكم المال في كل شيء
حتي كبرياءنا و انتهاك حرماتنا
وتشويش خصوصياتنا
نمتلك عناصر واسماء ومواهب
لا غبار عليها فقط
( اعماهم النفاق والساكتين
عن الحق من المنتفعين )
ولا منشورات التهليل
دليل لاي نجاح
ولا حتي تعليقات الهجوم
تأكيد لاي فشل
ولا حتي ده اكل عيش حلال
ولا ده الفن صاحب الرسالة 😏
كان ممكن جداااااا
نفضل ملوك اللعبة واسياد المدرسة
وتكون ثروتنا البشرية الملهمة بعيدا
عن اعلانات الزيت والمحمول والساحل
والبنوك و السيارات والمطاعم والملاعب
واحده من اهم مصادر الدخل القومي🥺
لبلد فيها 70 مليون
ملهم ومبدع وموهوب
وناقد ومدرب كورة😮💨وشيف
..
مطلوب للصالح ولانقاذ ماتبقي
من هلالهيل العده 🥴
علي المسيطرين علي الساحة
طالما ليكم كلمة مسموعة
عليكم ب غربلة كتاب السيناريو
وتقنين الورش في الكتابة و التمثيل
ومافيش كبير علي العلام
والزمن مالوش كبير 😉
..
كفاية كده مجاملات
ل كبار راحت عليهم
ودعم لمسنودين وشلل
ما بتشبعش
وافكار مستهلكة
ووشوش اتحرقت
وفنون هزليه مسيئة
تستخف بالعقول
😒🧐😞
نفسي قبل ما اموت
اشوف اللي بيطلعوا
يعلنوا بالملايين هما
اللي بيتبرعوا للغلبانين
هموت قبل ما نعيش
#حياه عادلة
فيها فرص مستحقه متساوية
مش كفاية عيالنا أيامهم صعبه
اعطوهم فرصه حتي يعيشوا
يحققوا حلمهم ويكبروا
يسمعوا مزيكا نضيفه
ويخزنوا ذكريات جميلة
ويعيشوا لحظات حقيقية
…
موسم محبط بدرجة 80٪
وسقوط مروع للكبار
ونجاح محتاج دراسة🫣
لاسماء مختلف عليها
ولموهوبين الموضة والصدفة
اصدقاء اليوم
أعداء الامس والعكس
و
للحديث بقية
