حاورتها / نهى طه
……………………………………………………………………………………………………………………………………
سيده استطاعت أن تنجح وتحقق طموحها الجميل باصرار وعزيمة لتؤكد ان مافيش مستحيل ..هي صاحبة فكرة حلويات (ديسباسيتو لوجى) مدام علا ابراهيم اللي اصبحت علامه بهذا المجال ورشحت لاوسكار افضل شيف 2020 بمهرجان المبدعين وكان لنا هذا الحوار الممتع
**ازاى بدأت الفكرة معاكى وازاى عرفتى انك موهوبة؟؟
*انا بحب المطبخ جدا والحلويات و بدأت من حوالي سنتين ونص بالديسباسيتو و لاقي اقبال كبير جداوبعد كده عملت تورت وجاتوه والحمد لله
** مين أول حد شجعك ودعمك؟؟
*اصدقائي وامي وزجي
** هل وجهتك صعوبات فى البداية؟
- لا خاالص الحمد لله
**إيه اكتر حاجة بتطلب منك وعليها اقبال؟؟
- كل حاجه بعملها الحمد لله بيبقا عليها اقبال وبتعجب الناس
و التورت هي اساس شغلي وعليها اقبال كبير
**معروف إن المجال ده كبير وفى ناس كتير بتشتغل فيه ازاى بتطورى من نفسك عشان تبقى مختلفة وليكى بصمة في المجال؟
- والله بحب دايما اشتغل علي نفسي كتير واجدد من شغلي والحمد لله رأي عملائي ان شغلي مختلف تمام عن اي حد
** هل بيطلب منك عمل حلويات فى الحفلات والافراح والمناسبات؟
- ايوا الحمد لله بيطلب لاعياد الميلاد والافراح
** هل فى إقبال على نوع معين من الأطفال؟
- الديسباسيتو الاطفال بتحبه جدا ودايما بيطلبوه
**الحلويات بتطلب التركيز والدقة والاتقان ازاى بتعرفى تعملى ده من المنزل؟
- بنظم وقتي علي قد ما اقدر بحيث ان وقت الشغل يكون بعيد عن وقت احتياجات اولادي والحمد لله بلاقي وقت مناسب لشغلي
**هل بتابعى برامج الطبخ؟ومين اكتر حد بتابعية وشايفة إن شغلة مميز؟
- ايوا بتابع برامج كتير بس اكتر حد بتابعه سالي فؤاد بحب شغلها جدا وفي حاجات كتير لما احب اعرفها بعرفها منها
** هل فى أشخاص بتستعينى بيهم عشان يساعدوكى؟
- لا والله انا بس اللي بقوم بكل شغلي مفيش حد بيساعدني
** هناك قنوات تقوم بعمل مسابقات شيف هل فكرتى فى المشاركة فيها؟
- للاسف محالفنيش الحظ اني اشارك في مسابقات لكن لو اجتللي الفرصه ان شاء الله اكيد هجرب
**موقف محرج تعرضتيلة من خلال عملك؟
*المواقف المحرجه لما يكون حد طالب اوردار وبعد ما يتعمل يعتذر بيكون الموقف ده بصراحه صعب
** طبعا بتشتغلى من المنزل هل فى صعوبة او بتوجهك مشكلة فى توصيل الطلبات؟
- الحمد لله معايا مندوب في منتهي الأمانه بيوصل الاوردرات في موعيدها و مفيش اي مشاكل بتحصل الحمد لله
**ايه أهم درس اتعلمتية من حياتك العملية؟ - لكل إنسان في هذه الحياة عقبات وتجارب ومواقف يمر بها… تعلمت أن الفاشلين يقولون أن النجاح هو مجرد عملية حظ. تعلمت أنه لا تحقيق للطموحات دون معاناة.
**ماهى طموحاتك واحلامك فى الفترة القادمة؟
- طموحاتي اني اطور من شغلي اكتر واكتر وان يكون ليا براند باسم منتجاتي
** تقولى ايه لاى حد عنده هواية وعايز يبدأ مشروع من المنزل؟؟
- اقوله متخفش و خد الخطوه ويبدء وربنا هييسرله امره ان شاء الله
** بشكرك جدا وبتمنالك التوفيق.
