بقلم د صافي يونس
البسطاء ..والنشطاء .. والطيبين
المجتهدين .. والفتايين .. والهرايين
الناس اللي قلوبها طيبه
وحتي اللي بوشين 😏
…
ثانيا اسمحوا لي
وانا ست دارسه وبمارس
عملي بكل صدق وتفاني من 25 سنه
وانا لسه صغيره وجامعيه وطموحه
قابلت كل الصعوبات
لا حد سندني ولا حد ساعدني
وعافرت وكملت
انا هناقش بعض الامور المهمه جدا
1_مين قال ان بعد توحش الفضائيات
في عدالة. في الفرص
وفي دعم للشاطرين والموهوبين ؟؟؟
نجمات ماسبيرو
اللي تشرفت بتكريم رموز مهمه
منهم سيدات ورجال
كتير جدا كانوا مختلفين تماما
وعدد كبير منهم كان غير مؤهل
او دارس لكنه نجح
2_اللي بيطلقوا علي نفسهم اعلاميين
واخرهم يرفعوا علم في ماتش كوره
وكتير منهم غير مؤهل ,وفضيحه
ولا دارس ولا موهوب ولا فاهم
رغم ما يتقاضوه من ملايين وشهرة
ويحصدونه من فرص واعلانات وينتقلون
بلعبه ال كراسي الموسيقية
من ممثل لمذيع والعكس!!
وبيتكلموا في كل حاجه
وبدون اي فكر المهم الشكل
والواسطة والتريندات الخايبه
في الزمن الاغبر !!!!
3_بعيدا عن سياسة شراء الهوا
او الوقت علي اي شاشه وده متاح
بكل القنوات بلا اعتراض يعني
اطباء وصحافيين وشيفات
ورياضيين وغيرهم
( مهو مش كل دول بيتفصلهم شغل لازم مقابل)
مافيش مشكله خالص
ان كل واحد يتكلم في مجاله
4_ هو لما اسماء ( اكن لها كل تقدير )
يتعمل لها برامج زي هشام عباس
وشريف منير وفيفي عبده هما مثلا
مخلوقين بالف ميزه وموهبه !!
وعدد كبير من الممثلات
اللي اتوقف سوقهم فتم
توظيفهم داخل برامج وبرضه
بيتكلموا عن التجميل
والتخسيس والديكور !!!
والمقالب كله بتاع كله
وحاجات كتير مش تخصصهم
ده ايه تفسيره مثلا ؟!! انا تعاملت
مع عدد كبير منهم كانوا بيسامونا
علي الاكل والبس والصوره والحركه
( اعتبروا شهرتهم سلعه ليها اجر)
وفي فضايح كتير جدا
هيتم نشرها قريبا في
كتابي الجديد ( تريبل فيس 👍 )
5_نيجي بقي لموضوع مدام ايمي
ست بتتكلم ببساطه ده شغلها وبتفخر بيه
ويوم ما قالت جمله تلقائية ومعناها واضح
علي فكره بتشرح اهمية العمل
ودعم الاخر ومسانده الجميع
ويذكر ( لمجرد التوضيح )
ان النبي ص.س حينما لاحظ تفرغ
شاب بالمسجد للعباده دون عمل
وساله عمن يعوله
فقال له اخي يعمل ويعولني
فقال له نبي الهدي / لهو عند الله خيرا منك
فالعمل عباده سامية يا اساتذة الفتاوي
لكن ازاي سلخوها وكفروها
وطلعت برضه بتلقائية تشرح وتعتذر
( وكم من مدعي ايمان وتدين !!!حولنا)
الست قررت زي اغلبيه بتوع التيك توك
وريلز ولايكي ومنهم مشاهير بس البحر
يحب الدولارات والزياده ( ليه لا )
انها تطلع ببرنامج تستفيد
من متابعيها وتكلمهم عن
الهوس اللي بيجذب الغالبيه الجمال
والاناقه والتجميل وغيرها!!
شغلتها ومجالها مش طالعه
تعمل برنامج العلم والايمان مثلا 😡
ومافيش مقارنه مثلا مع اخرين بلا هوية
**** ماينفعش نندب حظنا وانا مثلهم واكثر
معايا دكتوراه اكاديميه مش فخريه وشهادات
وسنوات خبره برامج وصحافه
ومؤتمرات وغيرها
الحمد لله نجاحاتي بتعبي ودراعي مش مقارنه
مع حد ااه اقل مني كتير اخدوا فرص عبقريه
لكن سبحان الله موزع الارزاق جايز حظي في
عيالي او صحتي او او او
افضل منهم 🙌فالحمدلله
ليه بقي التنمر والسخرية
هي الست لازم تبقي
بارده وهبله ومتجاوزه
وبتاعه مصالح وسمسره
وفضايح زي ناس كتير عارفينهم
كويس وشفناهم ( بينصبوا ةبيشتهروا عادي)
الفتره اللي فاتت تفاهه وسطحيه ولا مهنيه
***بالعكس الست منطقيه راحت في سكتها
ربنا يوفق كل مجتهد صاحب مبدأ وحلم
وكل واحد يشتغل ويجتهد ويخليه في حاله
جايز صفاء نيته ينقذه ويدعم نجاحه
#ملحوظه انا معرفهاش خاااالص وعمري
ما كلمتها ولا تعاملت معاها لكني بحيها
وسوف ادعمها اهي احسن من تحف كتير
بالتوفيق يا مدام ايمي وربنا يكتبلك الخير
الساكت عن الحق شيطان اخرس
وربنا وحده عالم بينا جميعا
اللهم بلغت … اللهم فاشهد 🙏
