كتبت شيماء سلامه
بلد بتقوم وتقعد على فيديوهات… فجأة نسمع: “تم القبض على فلان وفلانة بتهمة الإساءة وحيازة فلوس مشبوهة”.
ننبهر ونقول: “أهو القانون اشتغل”… وبعدين تاني يوم نلاقيهم خارجين بكفالة وضحكة نص وش! 😂
طيب… الفلوس اللي اتدفعت ككفالات وغرامات راحت فين؟! مين قبض؟ ومين صرف؟!
والأحلى… إن لسه الداعمين الكبار، الحيتان اللي عندهم مليارات، قاعدين بيشربوا قهوة وبيضربوا كريمه على الترند، وبيبيضوا فلوسهم في مشاريع وشركات “كارتون” محدش بيقرب لهم!
العيال الصغيرين هم اللي بيتشالوا قدام الكاميرا عشان الناس تفرح وتقول: “هوووف… البلد بتحارب الفساد”.
بس الحقيقة؟ الفساد لابس بدلة، راكب عربية بملايين، وبيرن ضحكة عالية علينا كلنا.
السؤال اللي لازم يتسأل: إحنا بنحارب الفساد… ولا بنعمله إعلان تريند مدفوع؟! 🧐
