كتب الشاعر / احمد بيبو
كلنا خاينين انا وانتوا وكل البني ادمين مهما هنعشقهم هنخونهم غصبن عنا بنخون بسماعنا لاغنيه تفكرنا بناس مش موجوده بنخون بمكان بنخون بتاريخ بنخون بأسامي بنسمعها تفكرنا بأيامنا السوده كل العلاقات ناقصه تملي بسبب اللي سابونا واخدوا حاجات ما بتتعوضش القطع اللي ف قلبي وقلبك علي طول موجود وجروح الروح من نوع نادر ما بيتخيطش كلنا خاينين وبنكدب ليل ونهار علي بعض واصل لسلام نفسي يخوف ويطمن برضه ف نفس الوقت كداب علي خاين علي تايه علي واحد شايف نفسه بعين انسان جواه تايه ومصمم يتريق علي واحد تاه بنعيش بنخبي ف ضحكتنا وف هزارنا حاجات كل الاسرار كل الافكار واسامي ولاد وبنات وحياه اقسم بالله كلنا خاينين ركز ف العين مع حد بيسمع اغنيه حزينه لانغام او حد بيسرح دون تبرير قبل ما بينام كوبليه لعاشور في ما كملناش تامر حسني ف 180 درجه اتحول وشيرين بتقول (منك لله) ركز ف شوارع بتروحها وكافيهات وبلاد ركز ف روايح و ف اكلات ارجع بسنين عمرك حبه وقلِّب ف الشات شوفت اللي اتقال منك ليهم شوفت الحكايات ؟ كلنا اوقات بنعدي بناس بتعيش اوقات الناس لو تنسي القلب ازاي ينسي معاهم لعنه وحلت علي خلق الله مش سايباهم لو قولت نسيت هيقولك لأ مش هنساهم البوم تلقائي لكل حياتك بالتفاصيل ملامحهم ، صوتهم ، هداياهم ، مش هيسيبك القلب ده صاحب سوء اوقات واهو صاحبك صاحبك علي عيبك والفيلم طويل لسه وما كملش كل اللي اتقال جواك ما اتقالش وهتوصل برضه انك خاين زي الباقيين بس ما تقلقش لو حد اتهمك بخيانتك ليه ما تجادلوش شغل له اغاني دراما كتير واتفرج علي وشه وسيبه ثواني ما تنطقش هتشوف حكايات علي شاشة وشه تِبكِّي الشارع بالسُّكان كل ما هتشغل ف اغاني هتشوف حكايات اشكال والوان من وش حزين كلنا خاينين حتي المانيكان جوه الڤاتارين .
