بقلم: شيماء سلامة
في علاقات كتير، بنقابل النموذج الكلاسيكي للراجل “الأمر الناهي”، اللي شايف إن الكلمة الأولى والأخيرة لازم تكون كلمته، وإن الانفعال والرد السريع نوع من الحسم، وإن التجاهل هو أبلغ وسيلة يعبر بيها عن الزعل أو الغضب.
لكن السؤال الحقيقي: هل دي علاقة؟ ولا إدارة منفردة؟
العلاقة مش معركة ومفيهاش قائد وجندي، العلاقة شراكة، فيها حوار واتفاق واختلاف كمان، بس من غير كسر ولا قهر.
الراجل اللي بيتعامل بفوقية، ويفتكر إن تجاهله لحبيبته نوع من العقاب أو السيطرة، بينسى إن أقوى ست ممكن تكون أحن ست، لكن وقت الكسر والتهميش.. بتعرف تمشي، وبتعرف تحب نفسها أكتر ما كانت بتحبه.
فيه فرق بين الرجولة والغرور، بين الحزم والحدّة، بين القيادة الحقيقية والسيطرة اللي مبنية على الصوت العالي والتجاهل.
والست مش محتاجة صوت عالي.. محتاجة صوت صادق.
مش محتاجة تجاهل.. محتاجة حضن وقت الزعل.
مش محتاجة راجل يتحكم.. محتاجة راجل يحتوي.
العلاقات اللي مبنية على الغرور بتنهار، حتى لو من برّه شكلها “مكمل”، لأن اللي بيكتم جوه بيكسر فجأة، واللي بيتعود يتهان أو يُتجهَل، بيجي يوم وي
قرر يسكت.. للأبد.
