كتبت شيماء سلامه
في واحدة من أكبر جرائم النصب الرقمي، شهدت الساحة الإفريقية والمصرية موجة من السرقات الإلكترونية المقننة عبر منصات تداول وهمية، تتزعمها منصة تُدعى CBEX، مدعومة بجروبات تليجرام مصممة باحتراف لا يُضاهى، لكن بغرض واحد: “اسحب فلوسك… بس لآخر مرة!”
المنصة دخلت السوق بأقنعة حديثة:
ذكاء اصطناعي يتداول عنك، أرباح يومية، ضمانات خرافية، ومستثمرين بيكسبوا وهم نايمين.
المصيبة؟ إنهم نايمين فعلاً… على ودانهم!
العشرات من التجار في مصر وبلاد إفريقية وقعوا في الفخ، باعوا دهب، سيّحوا تجارة، وسابوا شغلهم، عشان يلحقوا “الفرصة الذهبية”.
وفجأة… لا أرباح، ولا منصة، ولا حتى بوت بيرد!
منصة CBEX كانت النموذج المثالي لـ”نصاب ذكي” بيغني لك بصوت روبوت، ويرقص لك بحساب بنكي في دولة مش عارف توصلها، وفي النهاية ياخد كل اللي وراك وقدامك بحجة “السوق وقع والذكاء الاصطناعي زعل”.
والحقيقة؟
مش الذكاء اللي زعل… الطمع هو اللي بيضحك.
الحكاية دي مش مجرد منصة… دي درس لكل واحد بيفكر يشتري الحلم بأرباح سهلة.
لأن اللي بيوزع فلوس من غير تعب، بيكون غالباً بيلمها
عشان يختفي بيها.
