حوارات
أخر الأخبار
الجزء الثاني المنتظر من الحوار الساخن عن أسرار السياحه مع الخبير السياحي نبيل حسين
الإعلاميه المتألقه صافي يونس في حوار جرئ عن أسرار السياحه
الجزء الثاني المنتظر من الحوار الساخن عن أسرار السياحه مع الخبير السياحي نبيل حسين
*بما إننا حطينا إيدنا على مشكله صعبة جداً، ومش علاجها كله عندنا. تعالى ناخد جانب إيجابي. لأن أنا كان عندي شوية تشاؤم كده هنقلهم لك، وإنت بددهملي
*أنا بعمل كل سنة مهرجان اسمه الشباب ثروة المستقبل. وبتعامل فيه مع أوائل الجامعات و أوائل الطلبة ولكن بتصدم بأن كل الولاد ما عندهمش أي فكرة عن حاجة اسمها السياحة الداخلية
* السياحة عندهم الداخلية هي شرم الشيخ والمناطق اللي فيها رفاهية زيادة لكن كل تفكيرهم انا عايز اسافر بره مصر انا عايز ابقى شخصية ناجحة ومعايا فلوس يبقى اسافر بره مصر
* ولكن احنا عندنا نماذج كتير ناجحة يعني اتعاملنا مع رجال اعمال فتحوا مصانع مثلا فتحوا مشروعات صغيرة وكبرت دلوقتي الموضوع شوية بدأ يستعيد حيويته
* حضرتك بعد سنوات الخبرة وبعد اختيارك للمجال ده بكل صعوباته وكل عثاراته بما ان حضرتك عندك اولاد فيهم شباب لو ابنك دلوقتي بيقولك بابا انقذني وطلعني بره مصر
*ازاي تقدر تدي الامل لابن حضرتك و لأولادنا كمان ان لا ممكن اعود في مصر وحقق ذاتي بمصر
*** طيب انا اتكلم كلام اكاديمي ولا ك أب
* لا انا عايزه حضرتك تتكلم اولا كأب عايز تحافظ على ثروة وشباب بلدك اللي هما ولادنا جميعا
* في نفس الوقت احنا عايزين ولادنا يبقوا احسن ناس يعني انا لو جات لابني فرصة انه يبقى كويس هقوله روح انا لا انكر ذلك لكن ازاي نحط الامل في الشباب الغير قادرين يسافروا بره مصر
*** بصي حضرتك مصر بالنسبة لي او بالنسبة لناس كتير أوي هي اعظم بلد في الدنيا
*** يعني انا لما خرجت بره مصر كنت كل لما شوف مسلسل فيه احياء القاهرة اقطع تذكرة وانزل خلاص بتوحشني
*** لكن انا دلوقتي لما شوف الشاب مثلا واقدر اقوله الامل في المستقبل هنا في مصر
*** هو طبعا الامل في المستقبل هنا في مصر كبير لكن هو لما يشوف نماذج على السوشيال ميديا وعلى التيك توك والناس دي بقت مليارديرات
*** وهما قاعدين على كاميرا وقاعدين بيعملوا اي حاجة غير مفيدة ، و اجي انا اقول للشاب اقعد انت هنا واشتغل
*ما هو الأمر عبثي
*** بالظبط ، لكن أنا أقدر أدله يعمل ايه انه هو يشتغل
يعني يدرس كويس اوي
يشتغل على نفسه كويس اوي
ما يسيبش نفسه للدراسة اللي هو درسها بس لا يفضل يشتغل على نفسه
*** ويعمل ابديت على طول للمجال بتاعه سواء عن طريق كورسات سواء عن طريق تريننج في شركات
سواء انه هو يشتغل سواء عن طريق النت
علشان يقدر يوصل لاعلى ليفل في المجال بتاعه
والتوفيق بيبقى عند ربنا بقى سبحانه وتعالى
يعني بعد اجتهاد واصرار التوفيق عند ربنا سبحانه وتعالى بس هو يعمل ايه اللي عليه
* نعود الى السياحة في محافظة البحر الاحمر الهيبة و الفخامة كلها
* ايه بقي سر جمال البحر الاحمر ؟
***البحر الاحمر الشواطئ فيها حاجة عالمية مش موجودة في العالم سواء كانت شواطئ الناس تنزل فيها المية عادي رملية
او سواء كان دايفن يعملوا غطس( سياحة الغطس )
احنا عندنا سياحة الغطس دي سياحة مهمة جدا بيجيبوا ناس مخصوصة لسياحة الغطس
عندنا سياحة الويندسيرف الناس بتيجي مخصوص علشان يركبوا الامواج ويتعلموا ركوب الامواج
عندنا احنا هنا في الفندق مدرسة كبيرة قوي للموضوع دا
و عندنا السنوركلينج كمان هايل الشعب المرجانية بتتزرع من السنوركلينج
وكمان رحلات بحرية في جزر البحر الاحمر غني جدا جدا جدا جدا جدا جدا بكل مقاومات السياحة
*مستر نبيل تقريبا احنا يعني استغلينا كام في المية من ثروات البحر الاحمر في السياحة
***بصراحة لا عندنا غرف فندقية كتير ولسه في فنادق تانيه كتير وزارة السياحة شغالة
*لا مش بكلم عن الاقامة بكلم عن مقاومات الجمال والسياحة في المحافظة في سفاجة وفي الغردقه وفي المناطق دي هل احنا استغلينا كل التفاصيل
***لا طبعا ما استغلناش كل التفاصيل
*ايه اللي تتمنى ان يكون موجود الفترة الجاية
*** اتمنى يكون موجود الفترة الجاية طرق زي ما تعاملت في كايرو طرق كويسة ومحترمة تتعامل في البحر الاحمر طرق تليق بالزبون يمشي عليها
الزبون سواء كان ماشي او سواء كانت عربيات حلوة
*انا عجبتني كلمة الزبون فيها قدسية اني محترمة ان ده مصدر رزق
الزبون ده مصدر رزق ف احترام حضرتك للزبون هو احترام لمصدر رزقك
*** احنا كمان تعلمنا وبنحاول نعلم الشباب كله انه هو انت بتعمل ايه مع النزيل انت بتحاول تغرس في عقله الفترة اللي هو عاشها معاك سواء كان في فندقك او في فندق تاني انت بترسم له حاجة في مخه علشان ما يرجع يسترجعها يلاقيها حاجة كويسة الفترة اللي هو عاشها مثلا معاك في سفاجة مثلا
لما يجي يسترجعها ويفتكرها يبقى مبسوط ما يقولش لا دي كانت تجربة سيئة لا انت بتحاول تعمله تجربة ناكحة جدا ييجي تاني وثالث ورابع كويس امين تكرار ان هو ييجي تاني وثالث ورابع
*ده موجود بالنسبة قد ايه في باراديس او سوان؟
*** بالنسبة ليا من ستين لخمسة وستين في المئة نسبة جيدة جدا انا عندي ناس هنا
هو جد بيجي من ايام ما كان ولد يعني
اول امبارح مثلا كان عندي نزيل هنا في المكتب اتنين وستين مرة اتنين وستين مرة بيجي نفس المكان
*اتنين وستين مرة في نفس المكان يعني ممكن ييجي خمسة ست مرات في السنة
الريبيتز ده دليل على نجاح المكان
* هما عندهم ذكريات هنا ولا هم بيجوا لأسباب أخرى يعني ولا اتنين مع بعض
*** طبعا هو بيجي عشان يستريح في المكان بيجي يشوف الشجرة بتاعته وإحنا عندنا كل نزيل بيته بيبقى فيه شجرة باسمه بيجي يرويها بيشوفها كل سنة عليها اسمه عليها تاريخ أول زيارة
فيه حاجات كده تفاصيل ما بيننا وبين النزلة بيحبوها قوي وإحنا بنحبهم قوي أنا بالنسبة لي الريبيترز مؤشر ناجح جدا لأي مكان بيشتغل فيه إن انت تزودي عدد الريبيترز عندك فده مؤشر ناجح كويس
*لما حاولت اعمل سيرش عن حضرتك وسألت عدد كبير من الناس اللي اتعاملوا معاك سمعت كلام كتير متناقد تسمح لي إن احنا نقول جزء منه يعني مثلا رغم انه معروف انك كثير الحماس كيرياتيف في طرح الأفكار لكن من أن لآخر بتعمل ثورة على نفسك كده وبتسيب المكان خالص تروح مكان جديد بكر وتبدأ من جديد ايه سر الموضوع دا ؟؟
***أقول لحضرتك يعني أنا بالنسبة لي إن اي حد بيشتغل في اي مكان في منصب كرياتيف اربع سنين من اربع سنين ل خمس سنين كفاية اوي خلاص يعني انت خلاص نجحت في الأربع سنين دول سيب فكر تاني يدخل
خلاص انت حفظت المكان ووصلت فيه لمرحلة معينة فسيب حد تاني يدخل يقدر عنده أفكار جديدة يقدر يطور منه أكتر منك
*تمام دا سبب التنقلات من الوقت الى الآخر
***بالضبط الأماكن اللي بتبقى فيها بعض المشاكل دي بتبقى أماكن بكر بالنسبة لأي مدير يحب يشتغل فيها لأن هو شغله هيبان و الأفكار هتبان هتبدأ نتائج تبقى سريعة فبالتالي هيحس بالنجاح واللي حواليه هيحسوا بالنجاح
*يعني الهدف كان من التنقل هو نقل خبرات
*** بالضبط اكتساب أنواع جديدة من المقدرات
*واكتشاف نفسك انت بتكتشف نفسك
*** بالضبط
*قعدت قد ايه تقريبا في باراديس أبو سوم تقريبا
***احنا مش في باراديس أبو سوم احنا في إيجلز باراديس أبو سوم احنا شركة إدارة اسمها إيجلز بناخد فنادق بنديرها لحساب الملاك وبعض الفنادق بنأجرها اصلا لينا كشركة إدارة وبنقوم بإدارتها
* بس ده امر صعب جدا ان انا اقوم بإدارة كيان مؤسسي ناجح ده امر لطيف اوي لكن ان انا اخد الشركة وأديرها للملاك وأحقق لهم طموحاتهم ونجاحاتهم في المكان ده عبء كبير جدا يا مستر يعني دي تجربة خلقت جواك مغامر صغير ولا مغامر كبير
***لا هو مغامر كبير خلاص الواحد طموحه بيبدأ يكبر
*تمام يعني انت وصلت المرحلة معينة فبتحاول تشوفي ايه المرحلة المناسبة لك في الفترة اللي جاي إدارة الفنادق ده طموح ممزوج بالتحدي يعني انت عندك تحدي كبير طول الوقت لان عندك تارجت مفروض تحققه
***بالظبط تارجت مفروض يتحقق وكمان انت علشان توصل ل إدارة شركة و مدير شركة ده يتطلب شروط معينة في وزارة السياحة مش متوفرة كتير او لازم تبقي عندك الشروط دي تبقى مهمة جدا عشان تخدي رخصة مدير عام شركة ادارة تمام تختلف تماما عن رخصة مدير عام فندق فبتتطلب خبرات معينة وسنوات عمل معينة في فنادق معينة كاتجري من الفنادق المعين فده اللي احنا عملناه
* مصر في ال 15 سنة الاخيرة تحديدا مرت بقفزات وسقطات وعثرات وامور كتير قوي ازاي شفت مصر في الفترة دي وحضرتك كنت موجود فين من 2011 لغاية 2020 التسع سنين دول تحديدا كانوا صعبين قوي علينا كلنا كمصريين وما زالوا والسنتين الاخرينيين كمان احداث غزة احنا قاعدين طول الوقت منتظرين اي حاجه تحصل طول الوقت حضرتك تحملت ده ازاي عشت ده ازاي في مجالك في السياحة
*** عشنا منتهى الصعوبة انا بالنسبة لي برضو دايما نقول للولاد عندي انت لا تقل ابدا عن الجندي اللي على الحدود
انت كموظف سياحة انت واجهة البلد زي ما الجندي بيحمي حدودك بره انت بتحمي سمعة بلدك
صحيح بتصدر فكرة معينة وبتطور بس كمان مش مجرد فكرة وبتختفي
خدي بال حضرتك برضو ان احنا من 2009 و 2010 كان فيه ازمة اقتصادية كان فيه ازمة اقتصادية كبيرة من 2008 و 2010 مفروض ان دي كانت عوامل الضغط
لكن 2010 كانت فيه انتعاشة كبيرة جدا جدا جدا في السياحة في مصر في كل مصر وفجأة انطفأ الامل وفجأة انطفأ الامل جدا 2011 دخلنا فض رابعة والنهضة دخلنا حادثة الطياران في البرجين الأمريكيين
* انت كمان نسيت فترة حكم الإخوان دي كانت مرحلة صعبه يعني ربنا مايرجعها
***يعني فيه عثرات كتير جدا للي بيشتغل في السياحة فهو رزق سبحانه وتعالى لكن هو لازم يبقى جندي محارب حابب الشغلانة لأن احنا شغلتنا دي ادمان شغلانة السياحة ادمان
