الخبير السياحي نبيل حسين
علي جهاز كشف الحب والانتماء يؤكد
مصر تملك مقومات سياحيه عالمية فقط ينقصنا التريننج للعمالة
بعد مشوار طويل من خبرة السياحية، مجال يتميز بأنه هو بيتعامل مع أرقى المستويات، ومن مكان إلى مكان، ومن براند إلى براند استطاع أن يبني مستقبل، وسي ڤي حافل بالإنجازات. معي ومعكم الخبير السياحي مستر نبيل حسين، وإحنا النهاردة في باراديس أبو سومة
* مستر نبيل؟ سريعاً عايزين نعرف جمهورنا
مستر نبيل إزاي السي في الكبير ده اتعمل في السنين اللي فاتت؟
*كم سنة سياحة؟
* واشتغلنا في أشهر البراندات؟
*** بشكرك على موضوع الحوار
طبعا السياحة مش عبارة عن فنادق وشواطئ، السياحة قصة كبيرة قوي من الحضارة وثقافة، بيحسها النزيل أو الجست من ساعة ما بينزل مصر ده حقيقي أنا الحمد لله بقالي حوالي تلاتين سنة أو تمانية وتلاتين سنة في المجال.
اشتغلت في القاهرة، في الإمارات، في سلطنة عمان، في شرم، في الغردقة يعني إحنا ما عندناش خبرة مصرية بس، إحنا عندنا خبرة مرتبطة بمنطقة العالم العربي. الحمد لله من زمان بدأنا يعني في البداية كانت الشركة الكبيرة تبع تسك فورسيس في بلاد كتير. فالحمد لله كنت واحد من الناس اللي تبع تسك فورسيس في بلاد كتير. إحنا دارسين المجال أصلاً
*مستر، يعني ده كان خسارة ليك
يعني أنا أعلم إن الوالد كان قاضي، ما فكرتش أبداً تدخل المجال ده يعني في مصر تحديداً كل المهن بتورث
ليه بقى؟ ايه سبب التمرد ده؟
*** لا، أنا من زمان كنت من أيام عدادي كنا نروح مثلاً فنادق ننزل بيسين، نتغدى، نقضي داي يوز فالموضوع عجبني من زمان فبدأت من سنوي أخد ترينينج كل أجازة مدرسة أخد ترينينج في فندق معين
* هل الوالد كان مشجع إن أنت تغير المجال العائلي؟
*** آه طبعاً
* ما تمسكش إنك تمشي على نفس النهج ؟
*** لا لا الحقيقة
* بدأنا من إمتى تقريباً ندخل المجال بشكل عملي؟
*** بدأنا بشكل عملي ندخل المجال من مثلاً اتنين وتسعين، تلاتة وتسعين.
* مستر نبيل لما الواحد بيدخل مجال بيبقى فيه تفاصيل كتير. السياحة من المجالات اللي فيها تفاصيل كتير يعني في التدريس مثلاً أنا عارف إن أنا حدودي الطلاب والمدرج.
في الطب أنا عارف إن أنا حدودي العيادة أو المستشفى. لكن في مجال السياحة التفاصيل كتير جداً. وخصوصاً إن المنصب اللي حضرتك وصلت إليه النهاردة أكيد سبقه سلم كبير من الخبرة والتعلم. عايزاك تحكي لنا عن المشوار ده.
*** هي شغلتنا كسياحة تختصر في إن هي شغلة تفاصيل.
التفاصيل دي أهم حاجة في شغلتنا يعني مثلاً أنتي بتبقي مسؤولة عن حياة كم نزيل في الفندق حياة كم موظف في الفندق أكلهم شربهم عيشتهم إقامتهم راحتهم دي أهم حاجة طبعاً رضاهم فالموضوع بيبقى تفاصيل كله تفاصيل
* بعض الناس متخيلين إن المجال السياحة ده مجال فيه رفاهية
*** هو فيه رفاهية ولكن فيه صعوبات كتير جداً أنا أحياناً بكون واجهة البلد أنا أحياناً بكون صمام أمان لاستقرار سياسي استقرار عسكري لازم السياحة تكون مستقرة بيبقى وراها حاجات كتير قوي عشان كده أنا قلت لحضرتك إن تفاصيلها صعبة
* حضرتك عشان تبقى في المكان ده بالخبرة دي اشتغلت إيه جوا السياحة؟ يعني كام بوزيشن و كام وظيفه عشان أبقى نبيل حسين في الآخر؟
*** بصي، حضرتك أنا بدأت ترينينج في فنادق كبيرة لغاية ما بدأت أتعين في ستاف فعلاً بدأت في ريسيبشن وبعد كده كله شغل بقى ريسيبشن ديوتي مانيجر، نايت مانيجر، أوبريشن مانيجر. التدرج العادي.
* التدرج العادي بدون أي وساطة اجتهادك فقط.
*** بالظبط ، بس كان وسط الكلام ده كله ترينينج. ترينينج وكورسات في كل المجالات كانت تتوفرها الفنادق للاستاف. وزارة السياحة كانت توفر ترينينج بشكل دوري. كنا بنشارك فيه
* الترينينج للجميع ولا للمتميزين فقط؟
*** لا للجميع والمتميز هو اللي بيكمل وهو اللي بيبقى مستحق إنه هو يكمل في ترينينج في المرحله الاولي و التانيه و التالته لغاية ما بيوصل لأعلى درجة من الترينينج
* تمام طيب أنا ملاحظة إن في الفترة الأخيرة ده ما بقاش موجود يعني لما بشوف إعلان في أوتيل أو في شركة سياحية كبيرة بيبقوا طالبين لغة مش خبرة لكن لما بسألهم بعد كده يعني تعلمتوا ؟
يقولوا لي لا ما تعلمناش يعني إحنا اشتغلنا ف ده موضوع خطر جداً إزاي أنا ما أخدش حد متخرج من الكلية؟
آه دي دراستي تعلمت شوية جربت شوية
لكن أتعامل إزاي مع الجيست؟
أتعامل إزاي مع المواقف الحرجة؟
مع المواقف الطارئة؟
ده كان بيتعلموا إزاي.
*** حضرتك لمستي نقطة مهمة جداً. من الأسباب الجوهرية اللي مخليانا كسياحة في مصر عندنا خلل نعم الترينينج.
الترينينج ما نفتقر ليه جداً في مصر الترينينج دلوقتي ما بتوفرهوش غير الشركات الكبيرة اللي استفتتها وزارة السياحة بتوفر ترينينج دوري لبعض المواضيع المهمة
* لكن نجاح المنظومة معتمد على ده يعني إنتو عاملين زي الميكانو القطع بتكمل بعضها ف إزاي أنا أهمل نقطة زي دي؟
*** الموضوع كله أن كان مفروض يبقي فيه إدارة الـ HR اللي هو الـ Human Resources في أي فندق في الدنيا يبقى فيه إدارة اسمها إدارة التدريب
* صحيح إدارة التدريب دي دلوقتي مش موجودة في الفندق مع إن مفروض إن السياحة من أساسيات الدخل القومي
ده المفترض إحنا عندنا ثروة سياحية لا يستهان بها دينية، تاريخية، رياضية مختلفة
إحنا ما عندناش حاجة عندنا مسميات فقط
أنا آسفة إني أنا بقول لحضرتك كده
لكن الدخل القومي المصري مثلاً السياحة بتمثله تقريباً من 13% ل 14%
دخل السياحة في الدخل القومي
بس دي نسبة ضئيلة جداً بالنسبة لمقاوماتنا السياحية ف بالتالي أزودها إزاي؟
*** طبعاً أزودها إزاي دي قصة كبيرة جداً بترجع بقى إن أنا أهتم أوي بالبنية التحتية إن أنا أهتم أوي بالتجارة الإلكترونية أو التسويق الإلكتروني في السياحة. طبعاً إن أنا أهتم قوي بالنزيل من ساعة ما يوصل المطار
المصري لغاية ما يمشي من المطار المصري ده بقى يتخلله حاجات كتير قوي يتخلله الاستاف في المطار نفسه طبعاً. يتخلله سواق التاكسي اللي بيقابله يتخلله عامل البازار لما بينزل يشتري حاجة
يتخلله الفندق اللي بيروحه، كل ده عوامل كتير قوي قوي قوي فيها قصور. يعني إحنا تقريباً كده بنتكلم عن المستحيل.
* أنا مفترض أن أنا أتولى الزائر من أول ما ينزل من المطار. أديه له صورة مشرقة لغالبيتهم عن طريق السوشيال ميديا بدأوا يتعرفوا عن مصر الحقيقي كان زمان مصر الأهرامات والجمال دلوقتي بقى عندنا حاجات كتير جداً يعني إحنا كنا بنصور في دهب. عرفت إن البلو هول بيجيله كل زوار العالم عشان يروحوا المنطقة دي ولكن التفاصيل اللي بتيجي عنها واحد غواص بيغطس سمكتين نيمو وخلاص ما فيش غير كده .
في المنظومة دي المفروض نوجّه لمين دلوقتي رسالة وإحنا في البرنامج كده؟
الحالة عند مين يا مستر نبيل؟
*** الحالة عند ناس كتير قوي
نكلمهم جايز يحاولوا يساعدونا.
أنا كواحد من منظومة السياحة بمصر عندي خلل برضه
أنا مش في أصل المنظومة
أنا ما بقولش إن أنا أو فندقنا التابع بنجتهد بس برضه عندي نفس المشكلة الرئيسية.
المشكلة الرئيسية دي لما تكلمنا فيها في سيمينارز
لما تكلمنا فيها في ورش عمل
لما تكلمنا فيها في اجتماعات
إن هو لازم يبقى فيه رقابة مشددة
رقابة مشددة على مثلاً سوّاقين التاكسي، على مثلاً سوّاقين الميكروباصات الموجود مثلاً في البلد، على مثلاً بايعين البازارات.
الموضوع ده مهم جداً، الموضوع ده بيحصل فيه مشاكل كتيرة جداً.
على مثلاً القائمين في المطار، على اللغة، على الاستقبال. أمور كتير صغيرة لكن بتعمل مشاكل كتير. هي طبعاً تقصيرات صغيرة جداً.
*نيجي بقى جوا الفنادق.
*** جوا الفنادق هنلاقي برضه زي ما قولت سابقا هنرجع تاني لنفس القصة
الترينينج والتدريب. التدريب ده أهم حاجة في الدنيا. إحنا بعد ثورة يناير يعني من سنة 2011 يكاد يكون ستين في المية من العمالة المدربة الحقيقة العمالة اللي فاهمة ومارست هجرت الشغلانة خلاص هو مش هيقعد بقى فيه شغل ما فيش شغل فيه مرتبات ما فيش مرتبات فهجرت الشغلانة كله بقى راح عمل مشاريع خاصة راح يشتغل فيها بعد ما انتهت السنة الصعبه
يعني عنق الزجاجة قعدت سنتين تلاتة،
كان هو استقر في مكان آخر.
وبعد كده جات لنا عنق زجاجة تانية، اللي هي حادثة الطائرة الروسية في 2015 وبعد كده العنق الثالث الكورونا. الكورونا كان وضع عالمي مستقبلي
يعني هو مش هيهرب مني هيروح في مكان تاني،
هيهرب مني هيلاقي نفس المشكلة في مكان تاني.
هو كان هرب بقى خلاص، يعني هو هرب من تلات مشاكل قبل كده جات الكورونا وبعد كده الحرب الأوكرانية.
فهو القطاع السياحي بينزل على طول. يعني هو عامل زي الترمومتر بتاع البلد. يعني عايز تعرف البلد دي مستقرّة ولا لا بص للسياحة بتاعتها. عايز تعرف البلد دي غنية ولا لا بص للعمال اللي في النطاق بتاعها.
