شيماء سلامه
فاطمة سعيد ممرضة في مستشفى ابو الريش بالقاهرة فى بداية سن العشرين وتزوجت منذ ٦ أشهر يعني كان عندها ١٩ سنة
فاطمة تزوجت من زميلها في الشغل محمد وشهرته حاتم الخولي وطبعا دبت المشاكل في اول اسبوع جواز لأنه الحياة مش وردية زي المسلسلات التركية
المهم اليلة اللي فاتت فاطمة عاوزة تنزل تصلي التراويح في الجامع فجوزها رفض كلمة من هنا
وكلمة من هنا راح طاعنها بالسكين في صدرها بالإضافة لمشاكل سابقة بينهم بسبب المواسم اللي بيجبوها اهلها
لما شاف الدم شالها وحاول انقاذها وتوجه بها للمستشفي لكنها توفيت في الطريق ، وطبعا الأب والأم حاولوا ينقذوا ابنهم
وقالوا ان الضحية وقعت علي الأرض وهي ماسكة السكين في المطبخ لإعداد الطعام والسكينة انغرثت
في صدرها(للعلم القانون لا يعاقب الأب والأم فى جرائم التستر علي جريمة اذا كان الأمر متعلق بابنائهم)
رجال المباحث شكوا في الأمر بسبب مكان الإصابة القاتل والقوا القبض علي الزوج
أهل فاطمة قالوا في التحقيقات أنه المتهم برضوا كان عاوز منها تقولهم يجيبوا زيارات كويسة وهما جايين لها وطبعا دى نطاعة لأنه الراجل اللي يبص لحاجة زي كدة ناقص
المجني عليها مشهود لها بحسن السمعة ومن أسرة متدينة
تحقيقات الشرطة والنيابة هي من ستكشف الحقيقة الكاملة في الواقعة أن كان هو من تخلص منها او انها طعنت نفسها كما يقول الزوج
