بقلم صافي يونس
مع كل الاحترام لشخص المستر🫡
والتي جمعتنا عشرة لسنوات
وانفردت معه بحوارت حصريه
و مواقف بالمهرجان الخاص بنا
وكانت دوما تربطنا علاقه طيبه
منزوعة المصلحه👌
( الحمدلله عمري ما استفدت منه
لا في الفن ولا في السياحه ولا كنت
ضمن قائمة المحظوظين بدعوات
افتتاح القري والمشاريع والعزومات)
#فقط للتذكره
الراجل يا جماعه مش اول مره
يحاول ينصف المصري ويقف بجانبه
[ علي قدر استيعابه الرياضي ]
سبق وعملها تقريبا في 98
وبني فريق جديد وعمل صفقات
وجاب مدير فني وجهاز معاون
رغم انه برضه استقال واللي رفع
الكأس بعدها المحظوظ
رحمة الله عليه الذي جاء بالتعين
وقتها الحاج عبدالوهاب قوطه
#اما المحاوله الأخيرة والتي بدأت
بعد الهجوم علي حلبيه وادارته
( برضه دي عادة البورسعيديه عندما
تخيب أمالهم في محافظ متقاعس
أو رئيس نادي غير متفرغ 🫨و
ده حقهم دفاعا عن حلمهم المشروع
ولكن المرفوض😤 شكلا وموضوعا هو التطاول والشتيمه لأي شخص حاول يساعد واجتهد يعملكم حاجه واختلفتم معاه وطبعا دي شريحه موجوده في كل جمهور اللي تعصبه وحبه عامل زي الدبه اللي بتقتل صاحبها وتطفش راعيها)
كنت غير متفاءله خاصه بعد اصراره
علي شرط القايمه المعجزه😏
اللي اختارها واشترط مناصبها
وباسماء مفاجأه ولم تقدم اي ابهاااااار يرضي الجماهير المتعطشه لبطولة🥰
ودي مش اي جماهير💝 دول عشاق
النسر الأخضر خبراء الملاعب
المخلصين للشعار والنادي
واللي بيطلع عينهم ويتبهدلوا ورا
فريقهم في السراء والضراء وتحملوا
ظلم قيادات ومؤامرات وبيتشحططوا
علشان يدعموا فريقهم اللي شايل
ضريبة جريمة
تم استغلالهم فيها زور😡
جمهور محب وحمول وصابر
وغير مستفيد
لا باستاد ولا بمكافات🥰
البورسعيديه بكل شرايحهم مثقفين
وبسطاء كبار وشباب واطفال💞
يملكون نفس الحب والشغف
تجاه النادي العريق صاحب التاريخ الوطني المشرف👏👏👏👏👏
…
إدارة صرح رياضي بحجم المصري
مش بس محتاج فلوس ولا علاقات
ولا توازونات ولا عضويات وانتخابات
محتاج روح وقلب وإيمان بيه
وبحقه وجايز ده كان سر
اختلاف وتميز السيد متولي
الله يرحمه بكل جنونه
وحماسه وتفانيه للقلعة الخضراء
والذي شهدت جنازته التاريخيه كل
أطياف المجتمع بالوطن العربي كله
بحب وحزن حقيقي
كان مؤمن بالنادي
وده ما لايملكه رؤساء النادي
بالسنوات ال 15 الاخيرة
ولا قيادات أمثال هاني ابو ريده😝
ولا لاعيبن قدامي ومدربين
امثال محسن صالح🥴
…
غير متفاجئه أيضا من تدهور أوضاع
النادي ومش المصري بس قلبي
واجعني علي الاسماعيلي والاتحاد وغيرهم من ايقونات اللعبه
من يوم الاحتراف الاسود😠اللي
تم تطبيقه دون تأهيل أو دراسه
كان قرار الزهوه
مع كأس العالم 90💌
و اللي ضيع المعني الحقيقي للانتماء
لا بقي فيه لاعيبه خارجه من قطاع
الأشبال بفخر وحب ولا في هيئه استشاريه من خبراء وأصحاب حلول
من ابناء المحافظة الحقيقين😞
ولذلك محدش يحاول يبررها
بتاخر موضوع الاستاد ( الفنكوش)
الحكومي اللي بيماطلوا فيه 🦹♂️
لان المصالح اللي كانت منتظره
من أمور اخري بالكواليس لم تتم
وبرضه لا داعي للزج باسماء معينه
وإلقاء تهم المجامله لان كل واحد
مفروض يدافع عن بيته ويقاتل
من أجل أهله لكن ما تعملش
فيها مناضل شفهي وتقعد تفتش
في النوايا وتطلع العبر في الآخرين
لمجرد انهم اشطر منك في التمسك
بحقهم بكل السبل المتاحه خلينا
في نفسنا وكل واحد يبص في ورقته
..
لان يا ساده كامل ابو علي🙉🙈🙊
كخبير سياحي ومنتج فني مش قليل
كاسم وعلاقات ومكانه وثروة أيضا
فما تحاولش تقنعني انه ما يقدرش
يساااوم ويفرض شروطه لتحقيق
أهدافه هو ومجلس إدارته😏
انت مش بتتكلم عن هواه مغمورين
بس خبرتهم ايه في المجال ده ؟؟؟
المال يصنع العجب
و بيفتح الأبواب المغلقه
لكن الادمغه والذكاء القيادي منحه
من الله لا يمتلكها اي شخص
..
ونعود للنقطة صفر هاااا وبعدين
ايه السيناريوهات المحتمله
احب اسمع رؤيتكم و ترشيحاتكم
بالعقل كده ماهي الخطة B لإنقاذ
المصري بهذا التوقيت العصيب؟؟!!
..
ستنطلق الصفحات ( بالفتاوي )
وينقسم الشارع منجرفا وراء
مشاعره بين دفاع مميت🤢
ورجاء متردد
وهجوم قاسي😵💫
وخيالات يائسه
…
بكل ما أوتيت من قوه بمهنتي
ومافي قلبي من حب لبورسعيد
واحتراما لعشق والدي رحمه الله
للمصري ورموزه وتقديري واحساسي
بحزن والم جمهور الكوره بالباسله
والذي يتميز بالكثير من الحماس
والشجن أتمني ان تعلم من التجربه
ونتروي في إيجاد حلول جذريه قاطعه
وثورة تصحيح حقيقيه تبدأ
باختيار مناسب للمرحله
ووضع خطة عمل وإنقاذ وبناء
والبعد الكامل
عن مشتاقين الانتخابات
و مهاويس الشو والسلطه
وعدم استغلال
الجمهور والمصري والزج بهم في
حرب شعبيه انتخابيه تبيع لهم
الورد الجوري علي مقابر الطموحات
…
ياااااااااااارب
القادم يكون أحلي🙏
من حق جماهير قاهر العمالقه يفرحوا
ويعودوا للتشجيع من هنا من بورسعيد
والفريق يحتاج فورمات للهارد كله
وتغذيه حقيقه لكل عناصره
وللحديث بقيه 👋
