حاورتها / حليمه يوسف
تتفوق المرأه دائما في أي مجال تقتحمه و لا يوجد امامها عواقب فدائما المرأه العقل المدبر ، فمجال العمل أصبح أمر سهل بالنسبه للمرأه ليس فقط حامله الشهادات و الوظائف ، هي صاحبه السلطه و العمل لكن ربات البيوت أيضا أصبح لهم مساحه من العمل كاتأسيس المشاريع البسيطه في المنازل ((طهى الطعام و بيع مستحضرات التجميل و غيره ))
لقد تحدثنا مع نموذج ناجح للمرأه المصريه التي أسست مشروع للمأكولات البيتي (أم شهد ) و الحاصله على المركز الأول في مسابقه الكاتريتج لقمه حلال من ضمن 50 مشتركه .
س.. ايه سر ارتباطك بالمطبخ و مين كان بيشجعك لنجاح مشروعك؟؟
ج…انا طول عمري بحب الطبيخ وكنت دايما بعزم أصحابي واقاربي على الغدا واجمعوا ان اكلي حلو احسن من اكل المطاعم وايه المشكله لو انا فتحت اي مشروع في بيتي يدخل دخل كويس لي وبعدين حاولت لغايه لما ربنا كرمني وتعرفت من ناس كثير جدا والحمد لله دلوقتي انا بقيت كويسه وكل الناس بتثق في وسط في اكلي و املي ان اكون احسن
س… ازاى بتقدرى تديري مشروعك و هل ليكى مساعدين في نجاح المشروع ؟؟
ج… في سيدات بتشتغل معايا وبسوق علي النت وعندي زبائن من احسن المراكز في بورسعيد وبرة بورسعيد
س… ايه امنياتك بعد اختيارك الأولى على 50 سيده متقدمين للمسابقه ؟؟
ج… امنيتي اني انجح اكثر واني كمان اعمل برنامج في التلفزيون الان الحمد لله انا حاسه نفسي مش اقل من اي حد و عندي ثقه كبيره في نفسي مش غرور طبعا بس الحمد لله انا واثقه جدا في نفسي و عارفه انا ممكن انجح في اي مجال
س… ايه شروط مسابقه الكاتريتج لقمه حلال و مين كان أكتر تشجيعا ليكى للتقديم بيها ؟؟
ج… شروطها اني اطبخ أمام اللجنه واني اكون متميز في الطبق اللي هقدمه ،، زوجي هو المشجع الأول لي و دايما يساعدني للتطوير من نفسي
س… هل الشغل قصر على بيتك و ازاي بتوفقي بين الشغل و البيت و وقت راحتك ؟؟
ج.. الحمد لله بيتي زي الفل ومش مقصرة في اي حاجه انا عندي بنت وحدة في اعدادي وربنا بيقدرني بس بنام 4او5سعات بس و الباقي عمل في بيتي و شغلي
س…كان عندك تردد انك تشاركي في المسابقه ؟؟
ج… لا حتي لو مكنتش كسبت يكفيني شرف المحاوله لأن كان في شيفات كتير من جميع المحافظات وكانوا بصراحه شطرين اوي وعملين حجات جميله بس يمكن كان طبقي مختلف
س… نصيحتك ايه لربات البيوت اللي بيكسلوا وبيخافوا من المغامرة وعدم دخول مجال العمل ؟؟
ج … الإصرار و العزيمه و التوفيق من عند ربنا طول ما الإنسان مصمم على النجاح و بيحاول يوصل لحلم أو هدف معين ربنا هيوفقو و يحققلو حلمو و كل شغل لازم فيه التعب و الارهاق لكن حب الشغل و النجاح هيغطى على التعب ده و عدم التقصير في العمل هيزيد نجاحك و شهرتك النضافه قبل آي حاجة جعلت لي زبائن كثيرة انا كنت مبتدئه و زبايني قليلين جدا لكن مع الوقت و أني اتعرفت بأني حد بيراعي ربنا في شغلو ربنا كرمني.
