كتبت / سامية عابدين
سر رغيف العيش من كل بيت في سيوة بيبدأ في عيد يوم اطلقوا عليه اسم عيد الصلح
العيد اللي بيتجمع فيه اهالي سيوة عند جبل الدكرور كل سنة من شهر اكتوبر ياكلوا مع بعض وبيصفوا اي خلافات ما بينهم خلال ٣ ايام العيد.
تاريخ الحكاية
عيد الصلح في سيوة بدأ من 150 سنه القصه الرئيسيه ان القبائل في سيوه متقسمين امازيغ (اصل مغربي) وعرب
كان في بينهم خلافات على الاراضي لحد ما نزل شيخ طريقه اقام على جبل اسمه “الدكرور” وصلح بينهم
والجبل من ساعتها مكان بيتبارك بيه المريدين وجرى العرف من السنه الي حصل فيها الصلح
ان كل سنه في الليالي القمريه بيجمعوا رغيف عيش من كل بيت سيوي و 10 جنيه
(الاغنياء بيدفعوا اكتر) والطباخين بيبدأوا يدبحوا العجول ويسلقوا اللحم ويجهزوا الفته
من قبلها بيوم لحد الفجر
العيد بيستمر 3 ايام
سيوه كلها بتاخده اجازه بيبدأ الطباخين يغرفوا اطباق الفته بعد ما رئيس الطباخين يدوق مرقة اللحم
حله حله ويزود الملح والتوابل بعدين ينزلوها في ساحه كبيره قدام الجبل
في صباح اليوم الرابع بيعملوا مسيرة كبيرة تمر بالبيوت و المزارع بيرددوا فيها اناشيد و ابتهالات
بتكون إعلان لبداية عام جديد من غير خلافات أو كُره أو ضغينه فيما بينهم … الفكرة جميلة والهدف نبيل .
