تقرير /
إسلام خالد
اتجه كثير من الشباب لفتح طاقه نور لانفسهم وخلق فرص عمل من نتاج صنع ايدهم
، من خلال الموهبه والدراسة والتعلم ابتكروا ، وابدعوا ، واستطاعوا تنفيذ مشروع خاص بهم
دوما سيكون لقاء مع تجربة جديدة تضيئ للشباب الطريق
…..
نجمة الاسبوع
في مجال
المشغولات الخشبيه
من الايادى الناعمه
حيث استطاعت سارة سليمان ان تضع لنفسها هدفا وتحقق حلمها وتحارب البطاله
وتشق طريقها وسط فنانين الهاندميد
…..وكان لنا هذا الحوار
…
#متى بداتى شغل الهاندميد ؟
بدات شغل الهاند ميد من 3 سنوات
#هل هذه موهبه ام اجتهادو كورسات؟
موهبه ونميتها من اليوتيوب وازدادت خبراتي من طلبات التسويق
#ولماذا اخترتى شغل الخشب والاركيت؟
انا عاشقه شغل الخشب وبلاقي موهبتى فيه ، ولم اجد صعوبه بالتعامل معه .
#مونتجاتك هل هى براويز فقط؟
ايوة بدات بالبراويز والآن عندى ديزاينات كثيره جدا
#هل مشروعك بيحقق لك دخل ثابت؟
الحمد لله دخل شغلى من الهاندميد كويس جدا
#اصعب حاجه بيقابلها مصممى الهاندميد هى التسويق – كيف تسوقى منتجاتك؟
بسوق منتجى بنفسى على مواقع التواصل الاجتماعى اون لاين ، وبقوم بالتسليم بنفسى
#هل لكى ورشه بتشتغلى فيها ولا بتشتغلى من البيت؟
نعم ورشتى بالبيت خاصه بى وبنفذ بها كل منتجاتى
#رد فعل اسرتك بعملك بالهاندميد قوبل بالرفض ام بالقبول ؟
بالعكس لقيت دعم كبير جدا من اسرتى ومساندتى لاجل تحقيق حلمى لغايه ماوقفت على رجلى ونفذت مشروعى
#كل واحد فى بدايه مشروعه بيقابل عقبات ياترى ايه العقبات اللى قابلتيها ؟ وازاى قدرتى تتغلبى عليها؟
من اصعب العقبات اللى قابلتها اقناع العميل بجودة المنتج . وبالاتقان والاصرار الحمد لله قدرت اتغلب على الصعوبات.
#فكرة الجمع بين جراب المصحف والمقراة فى قطعه واحدة ازاى جتلك الفكرة دى؟
اساس عمل الديزاينر الابداع ومن هنا بتيجى وبتتولد الافكار الجديدة
#فكرة الفوانيس الخشب فكرة جديدة وجريئه من اين جاءتك ؟
الفكرة استوحتها من عملى بالديكور والمشغولات الخشبيه ولقيت اقبال الناس بشدة عليه الفانوس لانه مناسب لديكور المنزل ويزيده جمالا فى شهر رمضان
النوت بوك كلنا نعلم انه #بيتعمل فى المطبعه لكن انتى ازاى طوعتى الخشب ، وقدرتى تصممى عليه اللوجو؟
النوت بوك فكرة جاتلى من الخيال وقمت بالتطوير عليها بوضع اللوجو بالاضافه لطباعه الصور عليها
#نصيحتك ايه للشباب اللى حابب يبدا مشروعه ؟
انصح كل الشباب بالتحلى بالصبر والمحاولة والاصرار والعزيمه
#امنياتك العامه ؟ وامنياتك الخاصه ؟
امنيتى بصفه عامه ربنا يحقق كل الامنيات للناس كلها ، اما امنيتى الخاصه التوفيق والنجاح لعملى ويزيد رواد صفحتى على صفحتى wood art
https://www.facebook.com/ashsara2018
حقيقة حوار جميل و انا استفدت منه شخصيا و تنوع الاسئلة غاية فى الدقة وروعة فى تنوعها و اختيارها من صحفى موهوب سيكون له مستقبل براق بالتوفيق و دوام النجاح