كتبت شيماء سلامه
في الأيام الأخيرة، تريندات غريبة بقت طالعة على السوشيال ميديا، وكل شوية نلاقي فيديو أو بوست جديد
لحاجة “غير متوقعة” بتتكلم وتدي نصايح، من الخضار والفاكهة، لحد المأكولات، وحتى الغيارات الداخلية!
الفكرة واحدة: أي حاجة تركب الموجة وخلاص. مش مهم
المعلومة صح ولا لأ، المهم الفيديو يجيب مشاهدات، ويتقال فيه كلمتين وخلاص.
اللافت إن التريند بقى أقوى من المحتوى، وبقينا نسمع
نصايح من كل حاجة، إلا من أهل الاختصاص أو من عقلنا قبل أي حاجة.
الظاهرة دي فتحت نقاش كبير عن استسهال المحتوى،
وإزاي أي فكرة ممكن تنتشر لمجرد إنها مختلفة أو غريبة، حتى لو ملهاش أي قيمة حقيقية.
في زمن التريند، مش كل اللي بيتقال يتصدق، ومش كل
اللي بيطلع جديد يبقى مفيد… بس أكيد كل حاجة دلوقتي بقت “عايزة تتكلم”.
