بقلم د. صافي يونس
معروف اني صريحة
وكلمة الحق ما بتعجبش
وبتقف في الزور
وليها الف إذن مغلقة
بينما التطبيل وركوب الموجة
له الف مشجع وهتيف
معلش اتحملوني 🌲🇪🇬 🌷
هتكلم عن الموضوع
لكن بشكل مختلف شوية
..
رأيت الصورة وما حبيتش التصميم
لكن لعدة أسباب منها مثلا
(((((((( 1 ))))))
أنه مش موضح سبب الجمع بين
الملكة والمطربة أصالة غيرمفهوم🤔 !!
يعني دي حفلة ولا سيشن
ولا ماركتينج لدكتور التجميل
اللي عامل النحت للدقن
والأنف وترميم الجبهه🙄
..
والسبب التاني لبس اصاله!!
يعني مش عارفه ليه الشميز كاروه
مالبيستش مثلا فيسكوز 🤭
بعدها بقي شكل ترتيب الصور
لما الملكة تكون بالخلف
واصاله واخده نفس البوزيشن فايه
الهدف هل هناك رسالة مثلا ؟
أو هي امتداد عرقي
ولا احياء تاريخ نفرتيتي الفني🥶
في العموم حتي لما بيجي
السياح لاي مدينة مصرية
أو مركب نيلية وحفل تنكري
أو منطقة أثرية وبيتصوروا بالزي
الفرعوني بكون مبسوطه الحقيقية
وبقف كمان أمدحهم وأشجعهم
وبضحك في وشهم 🫡
ده اعجاب منهم مش تماحيك
هم يتلذذون باسترجاع الماضي
وحفر بضع ذكرياتهم ويعتقدون
ان هذه الهيئة ليست ترفيهية
لكنها نوع من جلب الحظ
لعظمة تاريخنا ال فرعوني
الغامض والمبهر بالنسبة لهم
وطبعا كل ده اصلا
ماجاش في ذهن أصالة
..
((((((((( 2 )))))))))
#الفلوس !!!!!
معلش تحملوا كلامي لانه صادم
انا بعشق الطرب وعمر ما كنا بنحسبه
بالجنسية ولا بديانة ولا بغيرها
وأتذكر أن الدنيا اتقلبت
علي هند صبري لموقف مشابهه
لمشاركتها في عرض الموميات
لجنسيتها التونسية
وهي ماردتش🫢ذكية هند
ثم نسوا بعدها وعدت
..
أما المطربين غير المصرين
من كل الدول فالجميع غني لمصر
وعشقنا وتباهينا بذلك
كما أحببنا روائع حليم
وشادية و فايدة كامل وغيرهم
ده بعيد عن الاوبريتات
وجمال سلامة واخترناه وكده 😉
وعلي سبيل المثال لا الحصر
فريد الاطرش_سنه وسنتين
فايزة أحمد _بحبك يا مصر
صباح _ سلموا لي علي مصر
وردة_ علي الربابة
وديع الصافي _ عظيمة يا مصر
نجاح سلام _يا اغلي اسم في الوجود
عالية _متقولش ايه اديتنا مصر
الجسمي غني وتغني بكل مناسبة
لقدامي المطربين والانتخابات الرئاسية
وغيرهم جنسيات كتير بلا فخر يعني
ومن كل مكان وبدون نفحات وزير سعادة
وانا بعتبر دي ريادة وعظمة لم
ينافسنا فيها أحد ولا أموال ودولارات
الشيوخ والبيزنس مان تقدر تشتري
الحب والصدق في الاغنيات دي♥️
وعمرنا ما ناقشنا جنسية ام كلثوم
ولا ديانة فيروز واحنا بنسمعهم
الفنون الحقيقية بتزيب الحدود
..
أما في العصر الحديث فأنا
اعلم جيدا أن هناك
ضوابط أخري
رقم 1 فيها وبمنتهي الحياد
(( الفلوس ..الفلوس ..الفلوس)))
ومن غير كسوف ولا تجميل
وللاسف الشديد 😏😒
كتير من المطربين والمطربات
المصريين مستعدين يبوظوا
ويعتذروا ويحرجوا لا
ويشترطوا
ويلوا دراع التخين كمان في مقابل
شروطهم المادية 😡
( وغيرهم برضه بس احنا اكتر حبتين😷)
انا طبعا بحب صوت انغام ومنير
وشيرين وبعشق صوت امال ماهر
وبحترم هاني شاكر ومنبهره
بمدحت صالح والحجار
وريهام عبد الحكيم
ومي فاروق وحنان ماضي
وحماقي والجيل ده والجديد كمان
لا خلاف عليهم يعني🌹
بس عندكم فكرة ان في ناس
من الأسماء دي مستحيل تغني
ل مصر ولا حفل وطني
ولا صندوق خيري
ولا مشروع قومي ولا غيره وانا
( شاهد ملك )
باكتر من حدث وموقف
واستويت بقي من الصدمات
لتكونوا لا سمح الله
فعلا مصدقين الكلام اللي
بيتقال ب ذكاء السوق 🤪
ولا مجاملة موقف
ولا تخليص حسابات الحريم
ولا حتي التجمل الجماهيري
والتصريحات النارية واللوذعية
وبرامج رمضان وشعبان وذو القعده🤗
…
قسما بالله هناك وجه آخر
وكم من موقف أنقذه مطربين عرب
واعملوا سيرش هتتفجعوا
مثال سريع
من سنوات حفل تليفزيون ومناسبة
وطنيه في مصر وتمت المساومات
ثم الانسحاب المخزي قبله بساعات
انقذته لطيفه مره وعلي نفقتها
هي والفرقة 😕
وكان هيبقي فضيحة و خراب
وغيرها وغيرها موقف متكرر
ومنتهي الخذلان
#الفلوس كلمة السر
علشان كده نجومنا السوبر
بيقبلوا الاعلانات والسفريات
لكن علي الواقع كمثاااااااال واقعي
حاربوا نجوم ذا فويس وأراب ايدول
لما راحوا ليالي التليفزيون في شرم
في أحدي السنوات واجتهدوا يخفوهم
شباب زي الورد وأصوات بكر وبقرشين
ده وقف حال لمصالحهم
و ده غير أن
حفلات وليالي السعودية
ومهرجانات النفحات السخية
والاقامات الذهبية وغيرها
اصبحت لها عند السوبر ستار
للاسف كل الأولوية😪
علشان بس ما يجرفناش الحماس
(( الفلوس ..الفلوس..الفلوس ))
هنا وهناك واي مكان لما الفن
بيبقي مجرد أكل عيش وسبوبة
وبرامج ومقالب
وفضايح ولم عرق السنين😱
بيفقد جزء من اسطوانة الوطنية
وحب الوطن فرض عليا
والحاجات دي
خلينا كمان ما نعتبرش أن أصالة
ولا غيرها أكثر وطنية لكن ممكن
سعرهم أو توازوناتهم وحساباتهم
ليها وجة نظر تالته 🫣🤯
فبيوافقوا بحساباتهم
((((((( 3 ))))))
اعزائي المتابعين الكرام
وخاصة أن المقالات الطويلة
والجادة والمهمة لا تحقق تفاعل
ومش مهم ولا هدفي
فعلا كلمة الحق
مش عاوزة تشجيع 👏👏👏
..
سنظل أصحاب الفضل لكن
قبل ما نحط ترشيحات وننقسم
فريقين
دفاع وهجوم علي مولد
مش هنكسب فيه
ولا كارت شحن حتي
بينما يحصدون هم ال ( متهم و ال بريء )
الملايين ( ربنا يبارك )
من اعلاناتنا وفننا وهمنا وحرق دمنا🥹
افراحنا واطراحنا
ولأني
بعاني الأمرين عند كل
مهرجان بنظمه
من شروط النجوم الاووووفر
وطلباتهم و غضب أغلبيتهم
لعدم وجود عائد مادي
ولا بادجيت للتكريم!!!🥴
اه وربنا ده غير كواليس
الهبش والنتش وعقد النقص
الا مارحم ربي يشهد الله
80٪ منهم بيخسرونا
كأننا مثلا مذلولين ونجوميتهم
بتصرف علي عيالنا ومدارسهم
😠
بينما يعتقد البعض
( بحرقة حاقد وفتاي وهراي
وجاهل علي الفاضي
أننا بنحقق ثروات هههه
زمار الحي لا يطرب
الناس تحب اللي ينصب عليها
ويشتغلها أما اللي منها🙄
وبيشتغل لهدف
بيكفروه👍 ده
حتي لو هنشتغل
ونكسب من التعب حقنا لكن تقولوا ايه 😈)
((((((( 4 ))))))
وهنروح بعيد ونتعصب ليه
سبق اصاله
ميريام فارس مثلا
وغيرهم وغيرهم من أصحاب
التصريحات المشينه في حق مصر
ونسينا وسامحنا عادي جدا
ورجعوا اشتغلوا ونهبوا وقبضوا
ملايين لا يجدها شبابنا الموهوبين
واهالينا المطحونين ده قدرنا والله
#ختاما يا سادة احنا فعلا معترفين
إن السوشيال ميديا بتؤثر احيانا
لكن مش مع اي حد
ولا في اي موضوع
والا كان صراخنا واعتراضنا
وتذمرنا ورفضنا وحتي تأيدنا
وصل لأولي الامر وعبرونا
وهنا تحضرني كلمة لازم تدرس
كقول مأثور سياسي رهيب
لما مبارك الله يسامحه ويرحمه
قال عننا ( خليهم يتسلوا 🧐😨)
وكان واصبحنا من سيء لاسوأ
في كل مجال ومكان
احنا نكتب ونصرخ ونتسلي
وهما يصبوا قرارات في
صالح الوطن والمواطن
( تقريبا بتاع كوكب عطارد )
..
#قلبي علي بلدي انفطر
رغم كل التعب
والسبعتلاف سنه حضارة
وال77 مضاد حيوي
ومسكن وحقنة
بكتب من وجع قلبي والله
#ملحوظة ع الماشي
اللوك الفرعوني اللطيف ده
كنت بقدم بيه احتفال
للسفارة المغربية
و دي لمسات حبيبتي المبدعة
Bassma Wadie
الماكيرة الماجيكو♥️
