نقلته / سامية عابدين
……………………………………………………………………………………………………………………………….
دة يبقى عم احمد ، ابن المؤلف الكبير شوقى عبدالحكيم ، اللي كتب (شفيقه و متولي) و (حسن و نعيمه) . و في قول آخر ، الدكتور أحمد شوقي عبد الحكيم ، باحث كبير جدا ، و من المثقفين المبدعين ، ده بالاضافه الي أنه كان ليه أمسيات ثقافيه رائعه ، و بيجيد الرسم كمان .
دكتور احمد حاليا بيمر بحالة نفسيه سيئه بعد أزمة مادية مرت بيه ، و بيقعد قدام سمير و علي في شارع ٩ في المقطم ، بيبيع رسومات و بيشتري ييهال الوان من سمير و علي ، عشان يرسم تاني ، و بيأكل القطط اكتر ما بياكل ، و فيه شوية كلام و أقاويل بتقول أنه ساكن في مساكن اسكندريه المواجهة لحي الاسمرات.
الراجل ده درس بره مصر ، و معاه ٤ لغات ،و كل معلومه انا قولتهالكم أتأكد منها كمعتز كويس جدا ، و اتمني بجد أن أي حد من وزارة الثقافه ، أو من اتحاد.الكتاب العرب يتواصل مع الدكتور أحمد ، هو مش مستني شفقه من حد ، ولا مستني حاجه اصلا ، بس دورنا أن احنا نوصله ، لأن ده دور الفنانين و المثقفين و المبدعين اللي علي حق .
